當年今日
關於我們
【郭晶晶生B】 霍啟山同嫲嫲呂燕妮探BB笑晒
蘋果日報 2013/08/27 06:00
啟山透露晶晶母子身體都好好。
榮升太嫲嘅呂燕妮開心笑晒!
霍啟剛同郭晶晶嘅BB出世啦!新任爺爺霍震霆當然開心到見牙唔見眼,而啟剛二弟啟山今日下午5點左右都拖實嫲嫲呂燕妮行出養和醫院,兩個人都都笑容燦爛,啟山話:「今日一家人好開心,尤其是嫲嫲。」
問到晶晶狀況,佢話:「兩個身體都好好,最緊要係咁。」榮升太嫲嘅呂燕妮都開腔:「好開心,多謝大家關心,都有抱曾孫,兩個都似。」而嫲嫲朱玲玲嘅「HK77」座駕今日都出現喺養和,但就未見佢現身,估計係低調探望孫仔。