當年今日
關於我們

【揸咪手勢好專業】AV女優桃乃木餵火火食腸 成面番茄醬向男士報仇

蘋果日報 2017/12/01 17:28

AV女優人中之龍陳婉衡火火桃乃木香奈

陳婉衡(Alycia)今日連同導演火火及日本AV女優桃乃木香奈,一齊到荔枝角出席電視遊戲嘅宣傳活動,面對桃乃木一身粉紅色低胸連身裙嘅打扮,Alycia作為香港代表亦唔示弱,以一套無視「禁奶令」嘅大圓領銀色連身裙亮相,性感程度比桃乃木更甚。大會安排兩位女士玩遊戲,首先要烏低身甩麻雀,再由火火餵桃乃木食缽仔糕同雞蛋仔,然後再由兩女調番轉餵火火食腸仔。
Alycia受訪時話自己都好鍾意打機:「打人殺人嗰啲其實好刺激,玩嘅時候可以釋放日常生活嘅壓力。」問到今日件衫咁性感係咪要抗衡同場嘅桃乃木?佢話:「件衫係大會安排,為咗呢件衫噚晚開始唔可以食嘢,因為件衫好緊怕凸咗個肚腩出嚟。」咁性感係咪無視公司order?佢話:「唔係淨係話泳衣落水嘅時候先要着件外套咩?呢條係裙嚟㗎喎。」Alycia又表示藝人係好被動:「通常拍咩着咩衫都係人哋安排。」佢又話天氣轉冷都較少機會着泳衣:「如果真係好想曬太陽唯有私底下自己去,下星期要飛馬來西亞拍節目,要參加障礙賽。」問到會唔會性感?佢話:「唔會啦,因為怕擦損應該都會長袖衫長褲。」
至於桃乃木就由翻譯陪同下接受訪問,佢話自己係第一次嚟香港,噚日夜晚到埗後工作人員陪同去咗睇夜景。好鍾意食嘢嘅佢話,嚟到香港好想試食天津菜,而且喺街上見到好多餐廳,相信香港人都好鍾意食嘢 。目前單身嘅桃乃木被問到會唔會因為職業嘅關係搵男朋友好困難?佢好坦白咁透過翻譯話 :「因為工作上遇到嘅對手擁有好好嘅技巧,而且喺工作上已經滿足咗性方面嘅慾望,所以喺私生活上的確係比較困難搵到適合嘅對象。」
更多娛聞,喺晒《娛果》
http://fb.com/appledailyent
empty
攝影:沈健程
empty
桃乃木玩甩牌都交足戲。
empty
empty
之後火火就餵佢食缽仔糕。
empty
empty
兩女又餵番火火食腸。
empty
empty
桃乃木喺翻譯陪同下接受訪問,重點自己諗。
empty
方便參考,陳婉衡受訪時係咁。