當年今日
關於我們

【為食媽咪】妊娠糖尿測試等報告 張珮汶面青急吃蛋糕

蘋果日報 2018/12/14 16:20

妊娠糖尿張珮汶朱古力芝士蛋糕為食媽咪

34歲嘅07年亞姐冠軍張珮汶(Grace,前名張家瑩)今年4月嫁圈外老公何駿杰(Adrian),新婚半年,今年10月宣佈有喜,至今已懷孕7個月,首次陀B嘅Grace好小心,佢日前去檢查有冇妊娠糖尿,佢喺Instagram貼相片並留言:「剛剛飲完妊娠糖水,原來杯嘢都幾大杯,飲咗一半真係有啲想嘔,不過死忍過去,因為唔想重新再飲過。之後抽咗一支血,姑娘叫我等兩個小時之後再抽多支血(好彩姑娘好nice,又幾溫柔),等待中... 昨晚知道要早起,可能緊張所以成晚冇瞓咁,基本上在老公的鼻鼾聲中度過,依家釣緊魚,好掛住屋企張床#懷孕28周#妊娠糖尿測試#懷孕大小事#懷孕紀錄。」
Grace都係為食媽咪,佢做完測試未出報告就要食朱古力蛋糕,佢離開診所就去咗餐廳,入到去即睇實朱古力芝士蛋糕,餓到呱呱嘈:「妊娠糖尿測試完畢,一身鬆晒,要等報告,不過暫時唔理住啦,餓到塊面都青埋,即刻去開大餐先,食件cheesecake獎勵吓自己。」《蘋果》今日打畀Grace,佢好開心話報告出咗嚟,順利過關,冇妊娠糖尿。
不過Grace又發現BB胎動情況唔同咗,佢話:「踢嘅位置變咗,下腹有時會有啲悶痛。」Grace話日前再去咗產檢,醫生話BB個頭已經掉轉,所以好大機會佢會揀順產,再多兩個月,就可感受生B過程。
精選娛聞,喺晒《娛果》
http://fb.com/appledailyent
empty
張珮汶日前喺診所等做妊娠糖尿測試。(fb圖片)
empty
腹大便便張珮汶日前同老公一齊去晚宴。(fb圖片)
empty
做完妊娠糖尿測試,報告未出,張珮汶就要整件朱古力芝士蛋糕。(fb圖片)