當年今日
關於我們

出道遭哥哥潑冷水
蔡興麟香港藝人內地撈20年

蘋果日報 2018/04/19 00:00


【《蘋果》專訪】蔡興麟離開香港樂壇20年,曾出現在軟硬天師的《廣播道fans殺人事件》歌詞的他,日前在九龍灣受訪時說:「好多人覺得我脫離咗娛樂圈,其實當時離開香港,我去咗台灣出國語碟,再去日本出Single,偶然機會下接拍內地劇,一直冇機會返香港。」
empty
蔡興麟消失20年,但因為軟硬的歌曲《廣播道fans殺人事件》至今仍然被記起。攝影:林賓尼
empty
蔡興麟坦言以前的自己只是唱片公司包裝下的product。資料圖片
empty
哥哥當年知蔡興麟希望冧盡天下人,即說:「冇可能!」
清楚自己身份
邁向50歲的蔡興麟似吃了防腐劑,他笑說:「其實我連護膚都唔多做,出道時唱片公司將我包裝得官仔骨骨,但我最唔貪靚,當年嘅蔡興麟只係product,其實唔開心㗎!因為我唔係咁,以前做訪問有step,問十句答兩句,被誤會藝人擺款冇內涵,好無奈,當時入行心態想所有人鍾意我,但哥哥(張國榮)話唔可能,佢話我好幸福,佢出道先係心酸。」
離鄉別井到內地發展,蔡興麟最難是適應當地文化:「當自己新人係冇壓力,呢幾年得到演戲機會,又開演唱會,又做慈善活動,呢啲係心靈滿足。𠵱家真係好希望可以喺香港出廣東碟,做番一個完完整整歌手,我一直分得好清楚自己身份,我係香港人,香港出世成長,娛樂事業喺香港。我喺其他地方演出,永遠要求對方好清楚講明我係香港歌手、香港藝人。」
那些年偶像歌手都有包袱,蔡興麟曾發表獨身宣言十年內不拍拖結婚,他說:「因為當時啱啱出道,希望將十年時間全副精神擺事業上面。」並坦言現在有拍拖兩年的女友,但未有結婚計劃。
採訪:余燕儀
場地提供:[email protected]
empty
92年蔡興麟惜肉如金,與穿泳褲的張智霖等人參加商台活動。資料圖片