【兒童偶像爆戀情】《宇宙戰隊九連者》紅溝綠戰士 打完怪獸過夜纏綿
宇宙戰隊九連者岐洲匠大久保櫻子
日本特撮劇集《宇宙戰隊九連者》於當地熱播,令扮演紅戰士Lucky嘅20歲男主角岐洲匠唔止成為細路偶像,仲吸納埋唔少師奶fans,一於親子通殺,岐洲匠最近更露點上陣,拍攝2018年處男月曆應市,有望成下一位師奶殺手。
不過,岐洲匠被《週刊文春》爆料指發展地下情,女友更係《宇宙戰隊》拍檔、年僅19歲嘅綠戰士Hammy大久保櫻子,而報道指二人於11月25日出席完東京dome city嘅超人騷後,一齊搭的士去女方香閨過程,纏綿過後到第二朝,岐洲匠同大久保櫻子再以英雄形象出席公開活動見小朋友fans,當日收工,佢哋再到岐洲匠寓所繼續享受二人世界,相信戀情曝光,肯定令佢哋嘅fans大受打擊。對於被指發展地下情,大久保嘅事務所立即代為否認,岐洲匠更表示冇去過女方屋企。
更多娛聞,喺晒《娛果》
http://fb.com/appledailyent
20歲男主角岐洲匠(中)同19歲嘅大久保櫻子日久生情。