【搭上兩年】板野友美Mark實筍盤 跟潮牌設計師食飽去酒店
板野友美夏菜宮崎泰成GOD SELECTION XXX
AKB48前一姐前田敦子奉子成婚,其昔日隊友板野友美都不愁冇男人。今日出版雜誌《Friday》報道,27歲嘅AKB舊將板野友美同29歲型男潮牌老闆兼設計師宮崎泰成打得火熱,日前男方駕駛其Porsche 911跑車載板野友美到高級烤肉店撐枱腳,當食飽之後,宮崎泰成載板野友美到其主場,即六本木山嘅酒店,板野落車後步入酒店時,邊行邊整理長裙,而當逗留兩小時後,兩人離開六本木山再到板野香閨繼續纏綿。
其實板野友美同宮崎泰成都唔係第一次被影到拍拖;前年9月,佢哋已被拍得在麻布十番晚飯,相信兩人應該由2016年夏天開始撻着,事關同年3月,宮崎泰成曾被公開同當時女友、29歲女星夏菜嘅激咀密照,男方換畫搭上板野後,兩年來多次被目擊出雙入對,感情似乎漸趨穩定。
宮崎泰成絕對係城中筍盤,由於十分有米,不但住豪宅揸靚車,佢更於2013年創立品牌GOD SELECTION XXX,唔少圈中人都係客仔,包括板野友美嘅舊愛TAKAHIRO,宮崎泰成年紀輕輕已相當成功。
精選娛聞,喺晒《娛果》
http://fb.com/appledailyent
宮崎泰成於2013年創立品牌GOD SELECTION XXX。