當年今日
關於我們

【張震結婚】太太莊雯如表現緊張 張震護妻:今天是她出道日

蘋果日報 2013/11/18 06:00

張震

今日係台灣型男張震大日子,張震同靚靚新娘子莊雯如,今午4時現身10分鐘,讓記者發問及拍照,現場擺放白蠟燭及白色花朵作佈置,增添浪漫典雅氣氛。

以往予人Cool爆形象嘅張震,今日全程笑容滿面,而新娘子穿上價值70萬元新台幣、VeraWang設計嘅婚紗,唔知係咪未習慣面對咁多傳媒,莊雯如表情稍為緊張,張震即為老婆解畫,指係因為佢啱啱「出道」先會咁。

今午張震錫過新娘之後受訪,佢坦言心情緊張: 「蠻緊張的,想辦一個溫馨的聚會,不是甚麼世紀婚禮,選這裏是跟電影比較多關係。」

至於「造人」大計,張震就話: 「生小孩的部分不要有壓力啦,雖然是年紀大了,希望一步一步來,越快越好吧。蜜月根本沒時間考慮。」