【右手被閘夾傷】《溏心風暴3》同陳敏之激戰連場 唐文龍:佢老公冇眼睇
陳敏之唐文龍溏心風暴3
唐文龍今日到新城電台訪問,佢右手手腕包紮上紗布,佢解釋日前剩搭一部上下拉閘門嘅升降機,用力將上閘拉下,點知同時下閘向上升高,反應唔切夾傷掌心,韌帶受傷。現時右手發唔到力,好彩佢本身係用左手(左撇子),生活冇太大阻礙,但對做運動就有影響。
唐文龍喺《溏心風暴3》同陳敏之激戰連場,佢話:「最初自己都唔敢睇,始終係爭議性人物角色,都多謝大家畀面。」問到佢知唔知敏之老公有冇睇到眼火爆?唐文龍話:「佢老公冇眼睇,我話要擺和頭酒,大家都係工作,其實好多都係借位,錫就冇借。有一場浴室戲其實凍到我哋兩個死,因拍咗幾個鐘都係沖涼淋水,轉燈轉位我地最多加件浴袍,真係沖到巢曬皮,同一日我哋仲有一場游水戲,拍到我哋冇哂熱力,觀眾就睇得過癮,我哋就做得吃力,最初都驚畀啲觀眾插,依家好lucky。」
更多娛聞,喺晒《娛果》
http://fb.com/appledailyent
唐文龍今日到新城電台訪問,佢右手手腕包紮上紗布,原來係因為韌帶受傷。
講到《溏心風暴3》,唐文龍話:「最初自己都唔敢睇,始終係爭議性人物角色,都多謝大家畀面。」