拒談當年被撬牆腳
陳德彰嘆倪周鬧劇:世風日下

蘋果日報 2008/12/19 00:00


風流才子倪震與周慧敏分手後,前日戲劇性地發聲明宣佈結婚,全城譁然。身為周慧敏初戀情人、有傳當年因倪震撬牆腳而導致與周慧敏分手的前Raidas樂隊主音陳德彰,衷心祝福舊愛開心快樂,但對這場掀起城中熱話的鬧劇卻連番唉聲嘆氣說:「唉!世風日下。」
周慧敏1985年參加新秀歌唱比賽後,加入香港電台擔任節目助理,負責接聽聽眾電話等幕後工作,其後在港台高層張文新鼓勵下,周慧敏翌年參加香港電台第二台舉行的業餘DJ大賽,並開始其DJ生涯,正式投身娛樂圈。感情生活方面,前Raidas樂隊主音歌手陳德彰為周慧敏初戀情人,二人於85年拍拖,但有傳因為倪震介入撬牆腳,導致他們5年情畫上句號。
連番嘆氣:唔識點講
對於舊愛與過氣情敵宣佈婚訊,陳德彰昨在電話中說:「如果係真嘅話,當然恭喜佢哋,希望佢哋開開心心啦。」倪震偷食後發聲明與周慧敏分手,但一星期後,他卻於前日再發聲明宣佈與周慧敏結婚,事情發展峯迴路轉,對此陳德彰也連番唉聲嘆氣說:「唉,年尾睇吓啲新鮮嘢囉,唔單止娛樂圈乜嘢事都會發生,呢個世界乜嘢事都會發生。唉,世風日下,呢個緋聞又唔係、醜聞又唔係,都唔識點講,人哋嘅事唔理咁多。」據悉當年陳德彰慘被倪震撬牆腳,對此陳德彰不欲多談,只說:「過咗去嘅事唔講啦。」
陳德彰當年與黃耀光組成的Raidas樂隊,於86年憑《吸煙的女人》獲得亞太流行歌曲創作大賽亞軍,Raidas先後推出過的《傳說》、《傾心》和《別人的歌》等名曲更曾風靡一時,是80年代著名樂隊組合,而當年專為Raidas歌曲填詞的林夕,也從此成為炙手可熱的填詞人。
empty
倪震89年與周慧敏合作港台《摩登時代》期間,對女方一見傾心,繼而展開熱烈追求。
empty
01年陳德彰與圈外女友許秀明結婚,婚後生活美滿。
傳倪震唱衰陳德彰
陳德彰事業發展一帆風順之時,與沒甚麼名氣的周慧敏相戀,但數年後周慧敏走紅,她於89年與倪震合作主持港台電視部年輕人節目《摩登時代》而認識,有傳倪震對周慧敏一見鍾情,縱使當時周慧敏與陳德彰已是公開的一對,倪震仍不顧一切撬牆腳,甚至有傳倪震不停在周慧敏面前講陳德彰壞話,最後周慧敏與陳德彰分手,投向倪震懷抱。
不過,近年在內地做生意及從事音樂幕後製作的陳德彰,早於01年與圈外女友許秀明結婚,而陳德彰偶爾也會以客串性質參與幕前演出,生活低調。
採訪:葉雪
empty
陳德彰85年與周慧敏拍拖,其間曾被拍到一起曬太陽。
empty
80年代陳德彰與黃耀光(右)組成的Raidas,曾叱咤樂壇。
全城熱話:余安安斥男人結婚照滾
倪震宣佈與周慧敏結婚後,全場震驚,不少圈中人大感驚訝之餘,也不敢看好這段婚姻。其中余安安強調很多男性朋友都「唔滾唔得」,呂慧儀更直指周慧敏信錯倪震。
採訪、攝影:藍嵐、王崇穎、林妃
余安安:例子太多
「騰騰震呀(形容倪震)!我覺得佢哋兩個都好有默契,佢哋宣佈得都唔係衝動喇,基本上都19年,同夫妻冇乜分別,只差一紙婚書,即使有婚書都會去滾,我身旁都有唔少例子喇。我都問過我身邊男性朋友,佢哋都話唔滾唔得。」
empty
呂慧儀:有眼無珠(圖左)
「我戥Vivian可惜,今次係個男士嘅問題,因為Vivian都浪費咗20年青春,如果要結一早都結啦,𠵱家先結好似係補償。同埋之前唔應該公開表示分手,呢啲冇必要公開。Vivian相信佢咁多年都竟然有事發生,信錯人。」
empty
楊秀惠:應錫自己(上圖右)
「女人應該要識保護自己,我有朋友識得Vivian,佢係一個好乖好好嘅女仔,佢愛上呢個人冇錯。但係佢要錫自己多啲,我近期都有朋友遇上呢啲事,我都同佢講夫妻本是同林鳥,大難臨頭各自飛。呢個年代冇一生一世㗎啦,現實社會冇可能好似以前咁樣。」
小肥:富戲劇性(圖左)
「其實結婚係開心事,佢哋一齊咁好,當初話分開都有啲可惜,雖然??家係有小小戲劇性,但都係好事。而且始終係佢兩個人嘅事,第三者唔應該涉及,除咗父母之外。
empty
唐素琪:人皆有錯(上圖右)
「我唔知事實係點,不過每個人都會做錯事,睇佢係咪真心改過,原諒都係一個好經歷,可能最後結果都係好喇,咁多年感情大家都好似屋企人咁,唔可以話走就走,可能經過今次件事大家真係可以終老。」
周秀娜:百次不容
「(倪震)真係一次不忠百次不容,有一次滾就會再有好多次,不過佢哋經歷咁多嘢,應該將來會易行啲。」
empty
關心妍:默默祝福
「最緊要佢哋兩個開心,我哋局外人只可以祝福。佢哋件事戲唔戲劇性唔到我哋講。」
蕭定一:夠鐘收聲
「我未收到倪震請飲,佢請我先算啦,到件事發展到??家為止,我諗都係時候收聲,我都冇嘢講。
江若琳:女性典範
「周慧敏真係好偉大,佢係女性嘅典範,真係好大量,如果倪震真係肯修心養性,我會祝福佢哋。」
小八卦:倪周寓所保安嚴密
倪震與周慧敏前日突傳婚訊,再度吸引大量記者聚集在二人於跑馬地金山花園愛巢等候,高峯期有多達10多部採訪車停泊附近,但兩人沒有現身。於下午1時許,警方更到場驅趕採訪車,整頓交通流程,當中更有共四名交通警察及軍裝警察到金山花園保安管理處了解情況(圖),在場保安嚴密,以防非住客入內干擾。
empty
專家話:倪震唔理後果
貴為才子的倪震,近年知名度大不如前,但最近卻因偷啜張茆而成為新聞人物,然後他向女友提出分手、主動約傳媒做訪問、又高調發聲明宣佈娶周慧敏,整件事令人感覺戲劇性及相當兒戲。對此,臨床身心行為學家李寶能昨在電話中說:「如果倪生係以引人注意為目的,佢會做得再明顯啲同清晰啲,我覺得佢咁樣嘅處理係有少少無心插柳。但我覺得倪生似乎完全冇一個心理準備,好多嘢係煮到嚟先食,即係缺少咗預知能力,亦唔係好刻意咁去諗後果。但有一個危機喺度,佢申請結婚可能係即興,但婚姻係大事,係咪可以即興?」
暗中較勁:周四發聲明有玄機
倪震在本月11日星期四與周慧敏分別發出分手聲明,他於七日後、即18日星期四突然發出結婚聲明,他特別喜歡在周四「發功」。在倪震的專欄和專訪中,他曾提及與星島集團旗下的《東周刊》以及《忽然1周》有官司,而《東周刊》及《忽然1周》分別於星期二、四出版。倪震兩次發聲明均選擇周四,似乎不想以上兩本周刊有其最新消息而得益。