【一人分飾四角】毛舜筠最愛長髮大波妹 兩個女都尖叫
毛毛大星講你咪理,我愛你
毛舜筠今日去到柴灣為Viu TV清談節目《大星講》錄影,佢話自己無所不談,亦都冇秘密,所以乜嘢都講得。
毛姐正為賀歲片《你咪理,我愛你!》開工,戲種係歌舞音樂劇形式,既要唱歌又要跳舞,而本身有舞蹈底子嘅佢應付自如。
戲中毛姐一人分演四個故事,仲有四位唔同對手,造型由40歲至60歲。毛姐笑言:「唔使專登化老妝,我都差唔多啦,不過好開心有一位好好嘅髮型師,幫我設計唔同造型,長髮、短髮、好有型嘅都有。我最鍾意其中一個長髮大波妹造型。」
聽落似乎喜歡身材多於髮型?毛姐好雀躍咁話:「我未試過呀,之前只係同星仔合作《情聖》時就搞到個胸行路好似跌咁,係搞笑,而今次係真實角色,有少少唔同,仲配合一把長髮,要裝少少假胸,好有趣。」
呢場經典戲已經拍攝咗,毛姐影低咗相留念,俾兩個女過目,仲話:「佢哋睇完好wow,從來冇見過我咁,兩姊妹見到都尖叫,又問我要整啲乜。」
毛舜筠今日去到柴灣為Viu TV清談節目《大星講》錄影,佢話自己無所不談,亦都冇秘密,所以乜嘢都講得。(攝影:卓寶花)