【本報訊】沙田一間酒吧發生群毆事件，4名男女疑因醉酒碰撞及眼望望，遭10多名大漢爆樽毆打受傷。傷者「大佬」聞風趕至不滿記者拍攝，粗言穢語辱罵說︰「我同你恭喜發財呀！X你老母！」其中一男傷者與女友擁抱，並辱罵女警。
事發大涌橋路一間酒吧，昨晨3時許，8名男女在上址飲酒作樂，帶醉與鄰枱多名男女碰撞對望爭執。稍後有人「吹雞」召來10多名大漢追打事主，現場酒樽杯碟橫飛，場面混亂。
警員聞報到場，惟兇徒逃去。3男1女事主（23至33歲），被爆樽扑傷頭部，當中兩男1女送院。

「大佬」向警稱自己搵對頭人

傷者多名友人拒絕散去，一名女子得悉男友遇襲，跑到救護車外哭鬧；一名頭破血流男傷者，走出車外與痛哭流涕女友擁抱，不斷安慰說︰「我冇事！」。一名女警勸男傷者返回救護車，反被辱罵︰「你咪X推我！」稍後，一名「大佬」得悉手下遇襲趕至，不滿記者拍照向警員喝罵︰「咁你哋唔好令我發脾氣咪得囉！」又衝向記者粗言穢語罵說︰「我同你恭喜發財呀！X你老母！」
警員查問逞兇者背景；有人聲稱對方是沙田博康邨「大頭成」人馬，有黑幫14K背景，又向調查警員嗤之以鼻說︰「我會叫人（手下）配合你哋，做應該做嘅事……唔需要你哋搵（對方人馬），我自己會搵佢哋㗎啦！」場面令人側目。