當年今日
關於我們

黃霑勁踩華仔星爺林夕歌詞唔掂

蘋果日報 2002/03/10 00:00


黃霑為港台劇《獅子山下》填的歌詞,上周被財政司司長梁錦松在財政預算案中引用。人氣急升的黃霑,昨日接受訪問時大肆批評周星馳、劉德華和林夕填詞、由楊千嬅主唱的歌曲。
黃霑昨日在港台接受節目《清談一點鐘》訪問,事後大肆批評時下唱作人的歌曲及電影質素。
黃霑七八年為港台劇集《獅子山下》的主題曲填詞,上周財政司司長梁錦松引用這首歌的歌詞寄語市民要同舟共濟。黃霑說:「梁錦松係我學弟,不過佢後生好多。佢喺公布財政預算案前,都知會過我會引用《獅》歌歌詞,我受寵若驚,我叫佢哋知會EMI。」

「唔知有乜嘢咁好笑」
黃霑的舊歌備受讚賞,他顯得很亢奮,黃霑又忽然批評時下的流行歌質素差。黃霑先彈由周星馳(星爺)填詞,並跟黃一飛合唱的電影《少林足球》歌曲。
星爺把《CaliforniaDreaming》譜上搞笑歌詞,黃霑說:「我都有睇呢套戲,但唔知有乜嘢咁好笑,嗰隻歌又走晒音,真係戇居到無倫。我返去問個仔,佢話就係笑夠戇居。我都問過倪震嗰套戲點解咁好笑,佢話我因為冇呢啲文化背景,鄒文懷都同我講話睇唔明。」
黃霑又提到由林夕為楊千嬅填詞的《如果東京不快樂》,他說:「我唔明林夕有句歌詞寫『如果東京不快樂……巴黎無快樂』,完全唔識欣賞,咁東京點樣唔快樂?林夕一向雙聲叠韻最好,唔明佢點解呢刻有咁嘅歌詞。」

「唱歌又做第二啲嘢」
之後,講至興起的黃霑又談到劉德華多年前親自填寫的歌曲《情是那麼笨》,黃霑說:「唱歌又要做埋第二啲嘢。」
當記者告訴黃霑歌曲是華仔親自填詞,他即補鑊說:「我好欣賞華仔嘅才華同勤力,但係唔使全能,點都要畀機會第二啲人,明知做得唔好就唔好試,點做都做唔到驚世傑作。我好錫華仔,唔想鬧佢。記得以前我都喺專欄鬧過佢呢隻歌,華仔話填詞前問過一位大前輩,但嗰個人一世都未填過詞。」

千嬅反駁批評
楊千嬅對於黃霑批評她的歌曲,她昨日在電話中說:「其實歌詞唔係話個地方唔開心,係個當事人唔開心,就算去到東京或者巴黎,有世界各地名勝喺面前,一樣唔開心。」
採訪、攝影:楊潔雯