杜汶澤今日喺九龍灣出席名為「慈善Eneregy Fight2016決賽」，擔任比賽的頒獎嘉賓。阿澤透露今次是回饋向柏榮師傅，他說：「向師傅本身練空手道，佢啱啱幫我套戲《空手道》客串咗一場，今次係回禮。」

阿澤表示向師傅以空手道贏過K-1格鬥比賽嘅世界冠軍。阿澤自言今次搵鄧麗欣(Stephy)演空手道高手同自導自演冇選錯人：「我本身都黑帶啦，要我打比賽唔好啦，都46歲人。但估唔到Stephy咁快上手好有天份，而且潛質好高，高到好似我啲膽固醇咁。」阿澤認為Stephy潛質高之餘，加上啱啱失戀所以特別有力量，絕對沒有選錯人。

稍後阿澤會為有線拍攝飲食節目，反其道而行專介紹劣食，問到阿澤會否擔心得罪人時，佢話不會開名同盡量在用詞時修飾一下。