當年今日
關於我們

【日日都做緊...】每日都努力造人 楊怡:生小朋友就隨緣啦

蘋果日報 2016/08/30 16:37

楊怡羅仲謙Ritz-Carlton禮餅

楊怡同羅仲謙今午夫妻檔到尖沙嘴出席餅家活動,原來今日係楊怡嘅37歲生日,羅仲謙送咗個寫上You are the only one 嘅蛋糕俾老婆,仲好sweet sweet咁錫咗老婆一啖添!
除咗情深的一吻,活動上佢哋仲鮮有公開親䁥,阿謙又錫又攬住老婆,場面溫馨。是否活動薪酬不非所以先肯公開親熱,阿謙話:「我喺屋企都成日會做,都冇錢收啦。」講到甜蜜趣事,楊怡話:「有次成班同事萬聖節去廸士尼玩,後尾佢偷偷地book咗間房,佈置好多氣球,佢扮隻唐老鴨。」
阿怡同謙謙嘅婚宴將於十月二日喺Ritz Carlton舉行,屆時會延開40席,兄弟姊妹團共十八人,楊怡話:「籌備得差唔多,準備派帖,姊妹有唐詩詠、馬賽、康華、張美妮、家姐楊卓娜,仲有其他訓練班朋友。」謙謙嘅兄弟團都唔弱架,包括有吳卓羲、馬國明、王浩信、單立文等。玩新郎底線係唔好整亂頭髮同污髒。而禮餅封套專登找設計師刻畫咗個盾牌,亦係兩人結婚logo,寓意這是互相堅強後盾,將來順境逆境都一齊行落去。講到今次結婚有好多贊助,幾乎唔使補貼,謙謙話:「唔係,亦唔係錢問題,係值得嘅,阿怡開心咪得。」佢哋透露今次婚宴會以童話溫馨為主題。
今日阿怡生日,除咗喺現場收到老公送嘅蛋糕,原來仲有佢仲冇送小飾物,咁28號係謙謙生日,楊怡就話自己乜都冇送,阿謙話:「唔使啦,佢都送咗成個人俾我。」阿怡聽到即刻冧晒咁甜笑。接住阿謙要立刻往返大陸工作,婚後十月亦要大陸開網劇,造人方面,阿怡竟然話:「日日都做緊,每日工作努力造人,生小朋友就隨緣啦。」