滬港通明日正式開車，正當全城基金熱切期待之際，在港股打滾四十年、著名財經專欄作家曹仁超卻潑冷水，叫散戶勿接火捧買A股。

曾將滬港通比喻為內地污水與香港清水混合的曹Sir認為，市場對於他的污水論不以為意、更普遍認為要「食咗先」，「個世界就係咁，改變唔到，叻嘅唔使教，蠢嘅捉住佢隻手都教唔識㗎啦！」。

曹Sir估計，大市仍會因滬港通的消息而「炒一浸，等啲人開心吓」，但他堅持不會理會及買賣A股，並指自今年4月宣佈滬港通計劃開車後，股市已被大幅炒高，入市是接火棒，「唔知入面啲人點樣炒嘢，而家升啲股份都係我唔鍾意嘅」，「無理由人哋燒紅個鑊你先跳落去啦」。

尚有更多滬港通消息，留意即時新聞及明日蘋果日報財經版。