童夢成真：兩學童獲資助驗配眼鏡
蘋果日報 2004/07/18 08:00
麟仔（左）接受視光師詳細驗眼。- 俊仔試戴不同款式眼鏡框架。
麟仔日前懷着興奮心情進入眼鏡店，隨即從琳瑯滿目眼鏡框中，挑選「心水」款式及顏色，然後逐一試戴，其父觀叔不時在旁給予兒子意見。
就讀小五的麟仔，終挑選了一副淺啡色鐵框眼鏡，他向記者表示：「好想快啲有新眼鏡戴，因為驚再拖遲，對眼啲散光會愈嚟愈深。」
兩年前，麟仔獲學校安排進行學童保健檢查，證實他雙眼患散光及遠視，觀叔惟有在膳食方面盡量節省開支，把僅餘積蓄為兒子配了一副眼鏡；惟數月前，麟仔縱然戴眼鏡上課，視野仍十分模糊，始發現其左眼散光度數已增加至250度，遠視則有175度，另右眼散光50度。
麟仔雙親早年仳離，他現與57歲父親及12歲胞姊一起生活，其父觀叔原職酒樓侍應，數年前退休後，靠領綜援金維持三口生計。
「前排麟仔同我講，佢副舊眼鏡已經唔啱戴，但我冇錢配過副畀佢，後來我哋睇報紙知道『蘋果基金』會幫細路哥達成願望，咪寄信嚟試吓，結果真係得，好多謝你哋。」觀叔向記者說。
蘋果基金從「童夢成真」專戶撥款200元，資助麟仔配了一副具近視及遠視度數的眼鏡。
另一邊廂俊仔忙於與母親商量哪款框架的顏色較好看，稍後，視光師替他驗眼，評估其視力。
就讀中二的俊仔，生長於單親家庭，自幼與母親阿蘭相依為命，45歲的阿蘭原從事餐廳侍應，近年為照顧兒子，辭退工作，母子現靠綜援金過活。
阿蘭患精神抑鬱，另肩膀飽受骨刺痛楚，須長期覆診及服藥。
俊仔就如麟仔般在學校安排下進行學童保健檢查，方發現患上200多度近視，需佩戴合適眼鏡，應付學習需要；惟母親阿蘭沒有餘錢購買眼鏡給他。日前，蘋果基金從「童夢成真」專戶撥款350元，資助俊仔配了一副近視眼鏡。
俊仔挑選了一副深藍色框架，他表示：「我喺班房坐第二排，但睇黑板都好矇，成日抄唔到notes，平日出街睇嘢，好多時亦睇唔清楚，之前叫過媽咪配眼鏡，佢話遲啲先算，𠵱家有人送副眼鏡畀我，真係好開心。」。
其母阿蘭感激地說：「我哋經過眼鏡舖，見配副眼鏡框連鏡片要成幾百蚊，我邊負擔得嚟！今次真係衷心多謝善長仁翁幫手。」
「童夢成真」專戶捐款編號：C0121
暖流熱線
電話：29908688
傳真：23702192
電郵：
網址：