據英國傳媒透露，阿仙奴而家已經同知名運動品牌「三間」洽商緊，有可能喺2019/2020球季開始轉用另一間球衣製造商。

兵工廠同「豹牌」嘅合約將會喺明年夏天約滿，消息指球會同三間方面已經達成咗初步共識，三間將會提供高於每年3000萬鎊嘅贊助費，比豹牌為高。而且三間亦會視乎兵工廠喺國內外賽事嘅成績調整贊助費。

不過阿記會唔會轉波衫牌子仲有好多變數，據悉豹牌方面有意思同阿仙奴繼續合作，所以有機會喺新合約中提高贊助金額同三間睇齊。

點都好，阿仙奴今季都要為歐霸盃而努力，因為假如球隊下季有得踢歐聯嘅話，同贊助商談判嘅籌碼自然就會更加多啦！不過商業談判嘅嘢我哋啲普通球迷真係識塊布咩，快啲公佈下季件新波衫嚟睇吓仲好啦！

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM