食客陳先生指由於新的防疫措施生效後,在中環一帶難以覓食,故才選擇陸羽茶室用膳,「都係第一次嚟」,得悉陸羽會於4月暫停營業一段時間,陳先生指「咁都慘嘅,但呢啲老字號有機會開返㗎嘛,有實力嘅都會開得返嘅,如果開返都會繼續幫襯」。對於政府昨日進一步推出防疫措施,陳先生雖認為對飲食業打擊大,但當前最重要還是防疫工作,「等疫情過咗之後先諗復甦係重要過依家救住你、但可能令個疫情蔓延,咁樣大家會仲慘,喺疫情下好多人都好慘,但都係止咗個疫情,大家先諗點樣幫大家」。
劉先生同樣是首次光顧陸羽茶室,得悉會暫時停止營業後,他坦言「疫情係咁,大家都無辦法啦,佢有佢哋嘅商業決定,大家都要尊重,可以嘅話咪之後再嚟幫襯」。然而,陸羽茶室未知何時會再次營業,亦未知會否再次營業,劉先生慨嘆「咁始終係可惜嘅,始終咁老字號,趁佢仲喺度嘅時候試下囉」。對於政府的防疫措施,劉先生指「睇下你覺得公共衛生重要啲、定係經濟重要啲」。