近日歐洲唔少大型銀行嘅信貸違約掉期（CDS）急升，唔少市場人士聽到，都即時緊張起嚟，咁到底咩係CDS呢？

所謂信貸違約掉期，係一種信貸違約保險。簡單去比喻，就係就係開一個盤口，去對賭某間公司嘅債務，會唔會違約。「賣保險」一方承諾，如果呢間公司違約，佢就會賠錢；至於「買保險」一方，就需要定期向賣家交保險金。

至於當年2008年，CDS呢樣嘢，就令市場陷入危機。想當年由於AIG發得太多CDS，當時市場一爆，令違約大增，AIG賠到嘔血，加上合約價值暴跌，令AIG蝕2000幾億美元，當時除美國政府，冇人救到AIG。今次歐洲唔少大型銀行CDS急升，反映市場認為銀行違約機會大增。

掌握財經生活資訊，即Like「蘋果ATM」fb專頁啦！
http://fb.com/appledailyatm