當年今日
關於我們

【隔離檢疫第7天】崔碧珈分飾多角拍抗疫短片 「Big爆」校服扮學生最吸睛

蘋果日報 2020/03/26 16:38

崔碧珈抗疫碧珈Tips隔離險疫

崔碧珈(Anita)本月20日自美國返港後,隨即入住酒店進行自我隔離14天,早已為打發時間做好準備的她,除了帶同電子琴消遣,還自編自導自演拍短片自娛。
昨日Anita已在IG貼出「Big爆」校服的學生妹造型照,披露會分飾多角拍短片,今日下午終於有片睇,而她除了以學生妹造型亮相,還有一個博士造型,以及戴白髮假髮扮婆婆,十分搞笑。
Anita留言寫道:「平時我從來都只係會影吓相,今次係第一次拍片哈哈!透過短片,希望係呢段時間可以帶啲歡樂畀大家,亦都令大家更加關注疫情,身為社會嘅一份子,每個人都做好少少,相信我哋好快可以捱過呢個難關。繼續保持正面嘅心,護己護人,一齊抗疫!」
Anita接受《蘋果》電話訪問表示,其創作靈感是來自抵港後政府派發的防疫小冊子,她說:「作為社會一份子,真係想透過短片令多啲人關注疫情,反正都要打發時間,於是就決定拍片,都搞咗12個鐘,自己打埋燈同剪片。」有指她的阿婆造型維肖維妙,Anita即哈哈笑謂,自己望着鏡子都忍不住笑,又不停為自己拍照留念。
今日是她在酒店自我隔離第7天,問Anita完成隔離檢疫後最想做甚麼?她說:「最想當然係即刻見吓媽咪,呢段時間都辛苦佢日日送飯,同埋其他我需要嘅嘢畀我。不過,我諗離開酒店後都會多留屋企,同媽咪喺屋企煮飯食。」她還說:「本身呢幾個月應該要喺馬來西亞同美國拍戲,但係而家都要延期,但一直有同導演溝通,佢仲發現我原來識彈琴,問我有冇興趣參與電影嘅音樂,如果有機會當然想試吓啦!」

-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
(網上圖片)
empty
這個學生妹造型......(網上圖片)
empty
認唔認得出是崔碧珈?(網上圖片)
empty
有8級鋼琴造藝的她,帶埋電子琴去酒店。(網上圖片)
empty
博士造型(網上圖片)
empty
示範正確戴口罩。(網上圖片)
empty
崔碧珈在酒店接受14天隔離,不時都會上載生活照。(網上圖片)