細心研究苗廐馬操練及出賽模式，其實今季是採精兵策略，唔好唔出，計出馬次數僅多過蘇保羅及新開倉的丁冠豪，近期成績穩步上揚。今戰（10日）出馬四匹，三駒配蘇兆輝，擺出志在必得陣容，第四場「有錢分」迄今仍未開齋，戰意最為可取。

第四場四班草地1400米：海軍鬥水兵，「狀元才」一再失望，而且潘頓唔騎，止於爭位。「喜佳龍」近兩仗跟跑而回，嫌跑姿仍未夠放鬆。「你知我意」及「勁嘉輝」見盡。「團圓豐收」今次轉用今季仍未入Q的吳嘉晉，贏馬加磅後在四班止於一位。

左揀右秤下，「有錢分」由近績及賽前操練，再加上馬房用人，感覺上最實淨，前仗同程輸畀「智力寶」四分三馬位，後駒升三班再贏，上仗遇「嘉應風采」慢放，拉士只保持同速跑第四，拼後埋門三課，先落草地，繼而試大閘，最後試跑再彈400米泥閘，頂得住辣操只微跌兩磅，狀態最弗今次。

第十場三班草地1200米：羅富全今季質新馬，只要初出跑得好，升浪就會持續，「太陽威威」兩戰非冠即亞，前仗初出與「大四喜」鬥燒，頭兩段造46秒29極快步速唔散，僅拉士一步被「龍鳳情祥」偷襲成功，本身已彈甩跑第三名「超新星」個半馬位，後三駒其後再出相繼贏馬。

「太陽威威」上仗末段受阻，仍力壓「霽月高風」贏短馬頭位，1.8倍僅僅夠買驚風散，亦再次證明實力非同少可，保守估計起碼值80分，今戰距離上仗四個星期，雖然沒安排大閘，但上周一（4日）卻彈1800米草閘開氣，潘頓唔放手，就算排11檔亦要高度重視。

-----------------------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef