周三晨課一向唔算熱鬧，今日亦有多位騎師未有露面，如莫雷拉、柏寶、田泰安、李寶利、韋達等均冇到場，畢竟今晚有賽事，好多騎師都選擇爭取休息。
至於到場騎師中，以梁家俊動態最特別，到場獨替容天鵬兩匹已報周日賽事之「平湖之星」及「南京之友」進行快跳，明顯見到對以上兩駒非常重視，其實「平湖之星」上仗贏馬前同樣見梁家俊在周三朝早親自到場摸實快跳，今次動態同上次一模一樣，話唔定可以再下一城。