韓劇《繼承者們》男星金宇彬去年5月確診鼻咽癌後即停工抗癌，近期金宇彬身體狀況已回復得好好，早前金宇彬更跟好友李鍾碩去夏威夷度假，而且一齊玩咗飛索，睇嚟金宇彬身體狀況已好得七七八八。

李鍾碩日前就率先飛返韓國，為噚日嘅見面會作準備，而金宇彬就於噚日單拖飛抵韓國。有大陸傳媒影到金宇彬噚晚現身韓國機場，當時金宇彬穿上灰色外套、白色T恤、黑色短褲，戴上黑色帽及口罩遮樣現身，自己推住行李車出閘。雖然金宇彬嘅身形比之前單薄，不過現身時狀況望落不錯，令粉絲非常放心。另外，金宇彬嘅灰色外套、黑色帽及短褲嘅機場造型，跟李鍾碩日前飛返韓國時嘅打扮一樣，二人果然係好兄弟。

另外，李鍾碩噚晚於見面會嘅讀信環節中，就再次感觸落淚。

精選韓流，喺晒《娛果》
http://fb.com/appledailyent