娛圈一向幾個女人一個堆，有阿姐級「至八會」成員如汪阿姐、Do姐、曾華倩及林建明等，亦有胡杏兒的「胡說八道會」及鍾嘉欣的「處女黨（Amazing Esther）」，其實朱千雪BB亦聯同岑杏賢、蔣家旻、張嘉兒同湯洛雯等二線姐仔組成「2 LINE 黨」！

今日千雪BB在社交網公佈婚訊，原來醫生男友Justin早前求婚成功，二人更悄悄入紙註冊，暫時未知千雪BB在哪裡擺酒及舉行婚禮，但一眾好姊妹戥她高興之餘，亦不需再為千雪BB保守秘密。

對於好友朱千雪入紙結婚，湯洛雯回覆傳媒表示：「知道他們訂婚了，但其他的事就由他們自己主人家宣佈吧，我只能說我非常非常的替她開心亦希望她一生幸福快樂！」

另一好姊妹張嘉兒表示：「Yes. I am so happy for her.」她一早知千雪在旅行訂婚，也很替她開心，好姊妹之一的岑杏賢回覆傳媒：「我哋知道千雪已經訂咗婚啦，所以噚日嘅生日慶祝過得特別開心，會唔會做姊妹，我哋都仲未知道，等佢去話畀我哋知佢嘅安排。」

蔣家旻亦回覆傳媒：「其實我哋一早知嘅，不過佢份人係好低調，所以有啲乜嘢我哋都係等佢公佈先囉，婚禮嗰啲詳情未知呀，佢自己都好忙，所以有啲咩要問返佢本人。」

-----------------------------
7月4日起 《蘋果動新聞》只限升級壹會員閱覽
繼續撐蘋果！