當年今日
關於我們
喼住個贏馬運勢 漸信名駒今期有航!
蘋果日報 2017/04/03 09:56
漸信名駒
漸信名駒
今朝早(3日)六點三十五分,練馬師葉楚航響機坪睇住騎師炒飯哥羅理雅上馬操「漸信名駒」,隨即趕往烽火台督操,之後又急急腳走返機坪接馬,騎練傾咗好耐先至分手。
出戰周三晚(5日)第1場五班1200米的「漸信名駒」,今季曾四次跑第二,其中三場就係跑五班泥地賽。上一場排14檔大敗而回,非戰之罪,更而且航哥同羅理雅近期合作屢有佳作,剛戰更合作起孖,相信「漸信名駒」有機會憑現時旺氣,繼而打開勝利之門。