【錦上添花】毛舜筠捧亞太影后爆內幕 多得呂良偉幫口

蘋果日報 2018/09/13 14:01

毛舜筠英皇王祖藍楊受成呂良偉黃金花第58屆亞太影展
    58歲嘅毛舜筠喺電影《黃金花》中扮演照顧患有自閉症囝囝嘅媽咪，角色感人，佢今年初先喺第37屆香港電影金像獎摘下影后，日前又喺第58屆亞太影展中再奪后，但毛姐當日因為要陪囡囡到加拿大開學，缺席頒獎禮，由戲中丈夫呂良偉代領。
    噚晚英皇老闆楊受成喺灣仔為毛姐舉行慶功宴，更送上鑽石頸鏈，氹到毛姐笑不攏嘴。席上阿呂親自將獎座交到毛姐手中，毛姐感動得即親吻獎座，並分享得獎感受，她稱：「今次攞亞太影后，真係整定。亞太邀請呂哥去頒獎，佢哋見面時，呂哥問《黃金花》係咪已經入咗圍，查到原來未報名，呂哥同佢哋講：『千祈要等埋我哋部戲，我個妹做得好好！』爭兩日就截止，我哋趕到報名，成件事到今日我做咗影后，呢個真係好多謝呂哥，因為佢一句說話，如果唔係就冇啦！」身為藍帶女廚神嘅毛姐，承諾要煮大餐答謝阿呂。
    毛姐續道：「嗰陣我知入圍，未知得唔得，呂哥話如果拎獎，佢同我拎，因為我囡囡入大學，我一定要陪佢。」
    亞太影后毛姐加盟英皇，問到佢對公司有乜嘢寄望？毛姐答：「先講我感受，我同前經理人Helen係朋友形式合作，佢幫我好多，但佢身體有病，佢覺得我會越來越多嘢做，怕照顧唔到我，我當時知道有一種徬徨嘅感覺。」一次與梁李少霞食飯，想不到就促成毛姐加盟英皇。合約由6月開始，合約期多過三年。至於首個工作，就係接拍王祖藍首次執導賀歲片《你咪理，我愛你，死未？》（暫名）。
    毛姐話：「我從影以嚟，未拍過一部咁特別嘅賀歲片，要唱歌跳舞，拍咗兩場大場戲，我見到一個新導演咁有heart，戥佢高興，希望合作成功。」

    精選娛聞，喺晒《娛果》
    http://fb.com/appledailyent
    empty
    毛姐親吻亞太影后獎座。 （ 霍汶希微博圖片）
    empty
    霍汶希 （ 霍汶希微博圖片）
    empty
    empty
    呂良偉為毛姐在台灣代領獎，噚晚把獎座送到姐手中。
    empty
    楊受成同英皇高層歡迎毛姐（右二） 加入。
    empty
    梁李少霞係毛姐（右）加入英皇媒人。