現年32歲嘅周杰倫（周董）唔知係咪有一鋪日本拍拖癮，繼6年前同侯佩岑遊日被揭拍拖後，竟再次被發現拖女遊日本，今次佢被爆同18歲新歡昆凌遊日，同場仲有周媽媽及友人，唔知係唔係趁旅行順便見家長兼傾婚事。

事實上周董同昆凌今年喺8月已被影到同遊法國仲煙韌搭膊頭。近日又有網友喺facebook爆料，話日前周董同女友兼周媽媽等人秘密去咗日本旅行，網友將周董喺原宿竹下通嘅相片放上網，雖然照片只係得周董嘅背影，但網友話因為周董刻意同昆凌保持距離：「沒甚麼比在原宿竹下通看到葉惠美跟周董還有昆凌更屌更巧的一件事啦…我很怕周董不爽，就沒有跑到前面去要求拍照了。」周董噚日喺日本返台灣，問佢此行係咪同昆凌同行？佢冇否認話：「拍到影片再跟我講。」昆凌經理人就認咗佢哋有去旅行，仲話︰「你們拍到囉？只是一班朋友去度假。」

馮仁昭四圍超：周杰倫孖昆凌遊日見家長 - 馮仁昭