當年今日
關於我們

【我係最低調嗰個】做廿年冇加過人工 阿叻:所以TVB唔炒我

蘋果日報 2017/09/29 17:30

王晶陳百祥阿叻

陳百祥(阿叻)同太太黃杏秀今日喺銅鑼灣出席珠寶鐘錶店冠玲瓏開幕,阿叻笑言自己係鱷魚頭老襯底,之前幫王晶拍劇,阿叻大爆被王晶搵笨。
阿叻坦言自己接job唔識去講價,只為自己開心,佢笑指喺大台就二十年冇加過人工,一年一騷:「個個請我都好抵,所以TVB唔炒我,我係唯一一個係TVB廿年冇加過人工嘅藝人嚟,冇加,好彩都冇減到,你諗下打工,邊有人肯一世唔加人工,就係我囉,邊個敢要求,一陣佢炒我,咁我點呀,我一路唔出聲,就大家好過啲。」
佢又笑住講:「你睇幾多人離開TVB,我點解唔離開TVB,因為我係唯一一個唔要求加人工嘅藝員,仲要我自己同佢申請一個騷一年,我得港姐騷,多一個騷都驚佢炒我,所以我係最低調嗰個。講真!成日我講真話,啲人就笑,咁係真!真話冇人聽。」(新聞連結: http://bit.ly/2fD37A1 )
另外,寇鴻萍好鍾意珠寶,平時會買定留俾兩個女,有時仲會一買買兩份。問佢兩個女有冇拍拖?寇鴻萍話:「我每日祈禱佢哋早日成家立室,雖然好唔捨得,但佢哋都大咗,要有自己家庭生活,希望佢哋每人都生5個,我o依家好珍惜同佢哋傾偈嘅時間。」
empty
empty
(攝影:陳順禎)
empty
阿叻指喺大台二十年冇加過人工
empty
empty
阿叻仲豪氣咁話:「邊有人肯一世唔加人工,就係我囉!」
empty