【狗仔出更】林峯返鄉下散心叉足電 大媽團取代千語BB陪開工
林峯蔡卓妍吳千語機動部隊狗仔出更
林峯最近傳出同吳千語5年情玩完,有指千語BB戀上前全國政協施子清長孫施伯雄(新聞連結: http://bit.ly/2HTldqK ),受情傷嘅林峯寄情工作,農曆年同埋堂妹林夏薇返咗鄉下過年。
小休咗幾日之後,林峯即刻投入工作,回歸網劇《PTU機動部隊》,日前晚上9點左右,林峯、阿Sa蔡卓妍同張繼聰喺九龍機動部隊行動總部門拍外景,雖然只係一個好簡單嘅場口,話林峯拎住頭盔離開,遇到阿Sa同張繼聰,大家企咗喺度傾幾句,但係現場已經有4部機同一時間roll機,之後佢哋又補拍唔同角度嘅鏡頭。
除咗劇組之外,現場仲有10幾個fans圍觀,有啲仲聽到係操流利嘅普通話,佢哋嘅對象係邊個?唔使問,之咪係林峯囉!可能唞咗幾日,林峯嘅精神態都叫唔錯,睇嚟fans可以鬆一口氣,拍到夜晚10點半左右,大家就收工走人!
精選娛聞,喺晒《娛果》
http://fb.com/appledailyent
一個簡單嘅鏡頭,但係有幾部機同時拍攝,睇嚟製作好認真喎!
千語BB唔在場,對面馬路就有一班講普通話嘅媽媽級支持者。