韓版《步步驚心》男星姜河那噚日通過Instagram向粉絲透露賬戶被黑客入侵。

姜河那喺Ig話要話畀粉絲知佢仲生存緊，又搞笑話有一位技術超群嘅黑客入侵咗佢Ig，仲換埋佢個密碼，搞到佢要好辛苦先搵得返自己個密碼。姜河那話要多謝通知佢密碼被盜嘅朋友，亦都為受到驚慌嘅朋友致歉，佢話之前已經成日有人叫佢更新Ig，但佢一直冇理會，所以覺得今次係一個教訓。

被黑客入侵後，姜河那發現自己嘅粉絲人數升咗好多，原來佢想清理一啲奇怪嘅人，但因為人數太多，所以最後都整理唔到，決定以後好好同個Ig相處呢。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。