現年33歲、同演員老公朱英勳育有一女嘅韓劇《Triangle》女星李允美，前幾日先陀住第二胎出席圈中好友、男星陳泰賢同女星朴詩恩嘅婚禮，話咁快佢今日凌晨就已經生咗。

喺今日凌晨韓國時間4點左右，李允美就喺老公同大女嘅陪同下，以水中分娩嘅方式生咗重3.5公斤嘅細女，事後佢仲喺網上公開同老公、大女同細女嘅幸福相。

相中只見坐喺水池中嘅李允美就赤裸咁抱住細女，而佢老公就做人肉梳化畀佢依靠於，仲用雙手攬住李允美同二女，至於大女就仁企喺池嘅外圍，佢哋仲對住鏡頭笑得好開心。

而李允美亦留言：「今日凌晨4點11分，二女終於見到世界嘅光。對我哋嘅家庭嚟講的確係好特別嘅禮物，呢個世界上任何嘢都比唔上嘅幸福媽媽。」

至於佢老公亦喺網上公開家庭相，仲留言：「比預期之中遲咗4日嘅今日凌晨4點11分，透過水中分娩出世，重3.5公斤健康嘅女女。」