女星出席頒獎禮同行紅地毯嘅衣着,一直都備受關注。有線電視台tvN新劇《未生》女星姜素拉,上星期來港出席韓國《MAMA音樂頒獎禮》時,因為着咗條H&M嘅深藍色喱士連身短裙(售價約270港元),而被網民批評唔尊重場合。
不過近日有網民發現,原來女星IU上月出席「2014MelonMusicAwards」頒獎禮時,都係着H&M嘅黑色碎花透視連身裙(售價約195港元),而IU更特別修改裙嘅長度,大騷美腿。
H&M方面表示,佢哋目前正為多名韓國女星提供衣服贊助,當中包括姜素拉、IU同女星李孝利,而姜素拉同IU着過嘅連身裙亦已售罄。
而姜素拉前晚出席時尚頒獎禮時,着上黑色短裙配高跟鞋,大騷長腿,獲網民激讚好身材。
另外,《未生》男星姜河那,早前趁拍攝空檔時,扮Kakotalk嘅表情公仔自拍,並於網上公開,粉絲大讚其表情扮到足,逼真程度爆燈。而男星任時完為劇集親自填詞、作曲及獻唱的OST,亦將於聽日公開。