當年今日
關於我們

傅明憲手袋變Ball后捐贈
鄭兆康向馬薛芷倫道歉

蘋果日報 2002/01/09 00:00


鄭紹康為宣傳二手衫買賣,稱傅明憲的ChristianDior手袋是馬薛芷倫(Fanny)所有,因此被Fanny炮轟他借自己做宣傳獲取利益。鄭紹康昨日就此事向Fanny公開道歉,而傅明憲則表示不介意,並希望反應理想。
新昌集團主席葉謀遵媳婦葉梁美蘭、向華強千金向均羚及蘭桂坊集團公關鄭紹康合辦的二手衫買賣,本來反應甚佳,豈料昨日有報道指他們有欺騙顧客之嫌。原因是早前鄭紹康表示其好友馬薛芷倫(Fanny)亦有拿出自己的衣服及手袋出來義賣,但Fanny日前表示並無此事,而被指是由Fanny捐出的ChristianDior手袋,原來是由傅明憲捐出的。

不滿被借宣傳
昨日Fanny在電話中無奈地說:「我唔係為咗個袋嘅問題,而係佢(鄭紹康)嘅做事方法問題。以前就算有人屈我,我覺得係私人感受,唔使同人講。我要捐錢做慈善,我都會私底下做,唔應該用我個名去宣傳。況且佢今次賣二手衫,唔係完全作慈善用途,如果咁樣用人哋個名嚟令自己得到利益,我覺得好有問題。」
而有份負責今次活動之一的葉梁美蘭(Mira)昨日說:「我要Francis(鄭紹康)公開同Fanny道歉,同埋肯定啲錢一定要捐到唐氏綜合症嘅機構。」問到她可會擔心事件會影響其時裝店的形象?Mira說:「驚都冇用啦!我同Francis第一次合作,係講個信字,我之前問佢Fanny係咪畀咗啲衫我哋,佢就同我講話畀咗,點知原來冇件咁嘅事。」
承認處理失當
而鄭紹康昨日亦在電話中表示:「我承認我處理不當,我係需要負上責任。我亦希望借呢個機會同Fanny公開道歉。至於慈善捐款一事,我哋遲啲會有支票捐贈儀式,至於捐幾多錢,我哋心目中有個數,但唔會公開。」
記者昨日就此事致電傅明憲,她說:「我初時以為我同薛芷倫攞咗相同嘅嘢出來,後來先知啲袋係我嘅,不過冇所謂啦,最緊要反應好,做善事吖嘛!」據知傅明憲捐出來義賣的物品包括Versace、Chanel、ChristianDior等名牌,部分更是全新沒有用過。
採訪:葉寶英、戴彩煥