楊千嬅昨日到香港公園出席新城活動「捷榮．新城．悠然空間」記者會，剛剛完成演唱會的千嬅坦言希望可以放假休息，不過因為她手頭上仍有工作，所以最快要到十月才能抽出幾日假期。
千嬅昨日說：「原本想去日本浸溫泉，但嗰邊又話浸溫泉會死人，所以好驚。同埋我唔敢除晒衫浸溫泉，試過着住件泳衣浸，重用毛巾遮住件泳衣，諗住過咗海就係神仙，點知俾個女職員鬧，但係佢用日文，所以唔知佢講乜。」

計劃買樓
問千嬅是否一個保守的人，她笑說：「我以前唔驚，不過𠵱家有『閃燈驚恐症』，有次連閃電都以為係閃燈。不過我喺演唱會都日日要除衫，但係就用強力膠紙黐晒啲重要部位。」
此外，千嬅完成演唱會後，會有一筆可觀酬勞，她正計劃買樓自住，不過因其母吩咐不要在鬼節期間買樓，所以現仍處於物色階段。
採訪、攝影：駱華齡