容祖兒同李克勤今個月喺紅館開騷,兩人近日努力綵排,今日祖兒喺社交網上載新相,張相就黑白嘅,相中祖兒身穿小背心,胸前同兩臂有條勁嘅刮痧痕,相當覺眼,胸前個痕驟眼睇仲有啲啲似事業線呀!祖兒就表示啲印好就快會散,叫歌迷唔使擔心,不過佢就話若然怕痛就唔好試。
祖兒又講到刮痧好處:「大部份疾病都是由於氣血瘀滯造成的,『痧』是一種病邪的排泄產物,『出痧』意味着『給邪以出路』,從而改善氣血平衡。」有網民見到祖兒刮痧痕,都留言讚佢忍功一流,有人仲誤以為祖兒紋身㖭!
除咗祖兒外,圈中唔少藝人都試過刮痧,包括洪天明﹑梁靖琪﹑何超雲﹑吳宗憲及大S(徐熙媛)等,當中大S幾年前上載刮痧照,當時佢整個背脊呈瘀紅色,猶如被人虐打一樣。