【午市急CALL：重溫】唐牛：VIX指數回落 後市轉趨平穩
午市急CALL唐牛古天后
市場氣氛似乎略有好轉，隔晚美股全線向上，恒指早段止跌回升，一度升186點，至24,826點，中午收報24,759點，升0.48%，中午成交金額逾700億元。蘋果專欄作家唐牛指出，今日大市成交回升，可能與美股企穩，投資者發現不是股災，又再收集優質股。
唐牛續教路，可以留意VIX指數已回落，大約由33水平下跌至25.85左右，「市場都唔係太恐慌，唔似3、4月股災時VIX指數持續上升」，他又指出，「聽輪商講，香港嘅波幅指數都回得好急，窩輪縮Vol好勁」，預視後市波動轉趨平穩，加上人民幣偏強，金管局又持續接錢，資金流不成問題。
焦點股份方面，小米（1810）副董事長林斌以每股作價22.55元減持3.5億股，套現大約80億元，證監會持牌人士古天后認為管理層非最高位沽貨，兼且承諾未來5年不會再減持，已較預期好，笑稱「你放過佢啦，人哋食糊都唔准咩？」唐牛補充，稱減持作價較昨日收市價折讓少於預期，而且「接貨也只是換手，無流出街都還可以」。
另外，講到阿里巴巴傳周三宣佈新業務，「聽日戀情曝光，收埋3年的動物登場，短炒望實$260，有得搏」，至於古天后則維持長線持有策略。
本周心水推介方面，古天后推介小米作中線部署，目標價30元，止蝕位為20.5元；唐牛則推介農夫山泉（9633），目標40元，止蝕位為31元，特別要留意下星期二正式入恒綜指，「大家都買定貨等北水入嚟」。
古天后 小米（1810）目標$30 止蝕$20.5
【午市急CALL】睇唔透後市走勢？ 古天后、唐牛幫你指點迷津
-----------------------------
-----------------------------
----------------------------