韓國男神金秀賢拍完韓劇《製作人們》之後，將會投入拍新片《Real》，早前電影仲開始為女主角試鏡。

由於暫時仍未開始拍戲，所以金秀賢暫時都算做喺休息狀態，有網友噚日早上就上載一張金秀賢嘅新照，只見着住件黑白色T恤嘅金秀賢為怕被人認出，所以就戴咗個黑色口罩，不過佢咁多粉絲，好快都被人認出佢，網民指當日見到金秀賢喺首爾清潭洞嘅SSG超市內嘅一間TheMenagerie麵包店現身，金秀賢仲親自行埋去揀麵包，完全唔需要工作人員代勞，網民都大讚佢好平凡化，親自佢揀麵包同買麵包，大讚佢親切又可愛。