林志穎老婆陳若儀上年12月喺台北生咗一對雙胞胎囝囝，哥哥叫做Jenson、弟弟叫Kyson，「J」同「K」分別係林志穎同太太英文名(即Jimmy同Kelly字頭)，搞到大哥哥Kimi擔心被搶fo失寵，不過林志穎承諾囝囝會一直陪住佢玩，又向Kimi講解做大哥哥嘅責任，而大哥哥Kimi又真係好錫細佬，又講故事畀細佬聽。

眨吓眼……林志穎一對孖仔已經5個月大，之不過林志穎就少啲擺一對孖仔嘅正面相，啲相都係見吓側面同背影，今日林志穎終於喺微博貼出細孖Kyson嘅單人相，寫道：「Kyson阿～你的睫毛要比爸比的還長了，跟Kimi哥哥有得比喔!」

圖中見Kyson人仔細細，已經擁有一雙長長嘅眼睫毛、眉粗粗，而且面珠仔脹卜卜，相當可愛。未知幾時可以見埋大孖Jenson呢?