古天樂、新演員陳漢娜同黃柏高今日在旺角為新戲《殺破狼。貪狼》喺戲院謝票，這戲上映數日內地票房5億，香港則有650萬，滿意成績，黃柏高指有意開續。古天樂戲中唔少打鬥戲，指新戲若要再下一城打得更激亦不妨。

戲中演古天樂女兒嘅陳漢娜，第一日拍戲已經睡殮房，古天樂喺側邊痛哭，佢話感覺到對方氣場震撼，但都忍著唔郁，但古天樂踢爆話：「嗰幕拍完停晒機佢都唔郁十幾秒，我都擔心佢所以嗌佢。」

另外，呢套戲古天樂演技受好評，被看好出年嘅金像獎有望得獎，被問可有信心:「最緊要套戲觀眾鍾意，票房好已經好開心，得獎只係命運嘅安排。」