年僅十八歲、架着眼鏡的阿珊對到訪的記者說:「𠵱家屋企只係剩番三千蚊,最多可以用埋呢個月,之後就唔知點算。」其母黃太坐在一旁忍不住哭道:「屋企嘅情況我一直唔敢話畀個女知,怕影響佢讀書,𠵱家佢考完試我先同佢講,大家諗吓辦法。」
治病耗盡積蓄
兩年前,黃家仍舊活於一片歡樂之中。一家之主的父親黃俞翔,任職地盤散工,育有一女兩子,現年分別十八歲、十四歲及七歲。一家五口的生計靠黃父一份不穩定的收入硬撐,然而父慈子孝,活脫脫一幅幸福的家庭照。「爸爸雖然好嚴、好惡,不過好錫我哋,考試考得好佢會買禮物獎勵我哋。」阿珊憶念慈父生前片段,不勝欷歔。
好景不常,黃父於前年十二月不幸患上肺癌,經數次電療後仍無法消滅癌細胞,返回內地接受中醫療法,冀望一線生機,期間黃家需靠賒借及綜援金度日。無奈錢花光了,病情卻無起色,黃父於去年九月病逝,終年五十九歲。
「佢臨走前交帶落,要我好好哋睇住啲仔女,督促佢哋勤力讀書,佢又擔心我哋冇錢生活,佢份人真係好好㗎!」四十三歲的黃太涕淚漣漣地說。
黃太表示,丈夫死後雖有一筆不多的保險賠償,惟在還清親友欠債及亡夫的殮葬費後所剩無幾,孤寡四口苦苦支撐了十個月,現已差不多用光。
「呢度公屋租金二千幾蚊,仔女讀書開支都好大,我已經盡量去慳,買餸一日都係三幾十蚊。」患有糖尿病及甲狀腺病的黃太憂心地說。三名子女於九月開學又要花費一筆書簿費,令她傷透腦筋,不知如何是好。