【志叔拉大隊】見習學員入馬場!清純少女疑是蔣嘉琦接班人
沙田馬場蔣嘉琦高雅志賽事見習學員陳念慈見習騎師學員女見習騎師蘇嘉麗澳洲受訓
相信好多馬迷朋友,對嘉琦BB(本地前女見習騎師蔣嘉琦)都依依不捨,或者論騎功佢唔係最頂級。
但唔知點解,就係一見到呢位小妮子喺馬圈拼搏,除咗有新鮮感之外,亦有一份憐香惜玉嘅情懷。
不過隨時、可能、或者、有機會就嚟又有一位女見習騎師登場。
話說喺今午(1日)沙田馬場,見習騎師學校校長陳念慈同騎術顧問高雅志,率領一班賽事見習學員到達沙田馬場實地觀摩,而喺人群中亦有一位年輕貌美嘅女學員。
佢個樣睇落非常清純,可能都係中學畢業冇耐,樣子睇落都幾省鏡,有幾分蔣嘉琦姿色。
我諗大家都好期待,有朝一日呢位美少女可以跨上馬背、馳騁馬場,隨時成就更勝師姐嘉琦BB。
現時去睇,假設佢成功喺騎校畢業,都仲要去外國實習一輪,先有機會返港策騎參賽。
不過,大家未必需要等得太耐,皆因目前有位現年23歲嘅女見習騎師學員蘇嘉麗正喺澳洲受訓,雖然佢成績未算標青,但比賽經驗卻肯定足夠。
環顧香港馬圈,受讓十磅見習騎師目前只有陳嘉熙一人在陣。
即管睇吓馬會會唔會盡快安排,多啲好似蘇嘉麗嘅生力軍返港參賽。
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
點擊即可免費睇相 -------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇