一年一度嘅影壇盛事香港電影金像獎下個月3號，就會喺尖沙嘴文化中心舉行，到時就會產生影帝同影后，今年嘅影帝角逐係近年少見嘅精采，除咗幾位演員嘅演出都好勢均力敵之外，更難得係有3位天王劉德華、郭富城同張學友同場。

而劉德華嘅fans就喺呢個時候，幫偶像做咗幾條片造勢，將佢由1981年出道到o依家，主演過嘅造形大概有14個，用電腦技術重現出嚟，當中包括劇集《獵鷹》、《鹿鼎記》、《神鵰俠女》，電影就有《烈火戰車》、《無間道》及《賭神》等，當然唔少得嘅，就係今次問鼎影帝嘅電影《失孤》入面嘅造形，一放上網點擊已經好高。

其實劉華除咗得到fans支持之外，一班傳媒友人對佢都好痛錫，亦都睇高一線佢今次攞獎，所以早前敍餐時，有傳媒就送咗一座Lego砌金像獎獎座預祝佢攞獎。