當年今日
關於我們

生意跌 商戶怨政府懶理

蘋果日報 2009/05/09 00:00


【本報訊】維景酒店昨晚解封,開心的除了在酒店內被困七日的逾300名住客及職員外,還有酒店附近商舖。有食肆老闆表示,過去七日生意大跌九成,希望生意會隨酒店解封而回升;也有商舖希望政府幫助酒店旅客之餘,也要顧及酒店附近商舖近日的損失,「至少都封番一封利是啦。」
「至少封一封利是」
維景酒店附近商舖林立,部份受政府封酒店決定而蒙受損失。沙嗲城老闆老先生表示,維景酒店被封當日,因擔心職員及食客會被感染,因而關舖三天,之後重開生意大受影響,「過去七日冇咗至少16萬蚊,我哋都係受影響一群,但政府一啲都冇幫過我哋,至少都封番一封利是啦。」他批評政府為了形象而不斷向酒店旅客提供物資,卻忽略附近商舖;為追回過去多日的損失,老先生表示餐廳下周一會增加送飲品優惠,以吸引更多食客光顧。
與維景三舖之隔的新潮興魚蛋粉老闆陳先生大吐苦水,「生意跌咗九成!」平時每日有萬多元生意額,由封鎖酒店後的首個星期一(5月4日)開始,生意每日僅餘千多元營業額,有部份經常幫襯的熟客呢幾日更過門不入,估計是客人怕鄰近酒店有菌。
他建議政府「做番啲嘢」補償受影響食肆,「政府可以幫襯區內食肆買外賣,然後送去酒店,等我哋唔使損失咁多!」
豬流感來襲,市民連看書的雅興也減少。維景酒店附近的齡記書店表示,過去七日人流少了一半,暫未知損失多少,「平時食下午飯時候好多人嚟睇書買書,但家得幾個人。」書店職員又指,當局早於昨午4時半封路是太早,書店迫於無奈提早關門。