【山竹襲港】超蓮召集義工執垃圾 到杏花邨執滿30袋廢膠

蘋果日報 2018/09/17 20:13

jw何超蓮杏花邨山竹執垃圾
    超強颱風「山竹」蹂躪香港，摧毀各區設施，亦帶嚟多不勝數嘅垃圾，自己地方自己救，好多居民都幫忙清理自己屋苑附近嘅廢物，不過更加有好心人四圍去幫手執垃圾，其中一個就係賭王千金何超蓮，佢知道今日路面情況實在太混亂，先係落order叫員工唔使返工，再召集員工、朋友同smilewithushk義工總動員幫手，分3批人分別到杏花邨、將軍澳、沙田3個地方清理垃圾，而超蓮就同王灝兒（JW）去到重災區嘅杏花邨。
    辛勞一天後嘅超蓮接受訪問話：「11點開始召集義工，叫大家一齊執垃圾，知道會好阻街，晏畫3點鐘時，我就見到JW like我啲相，跟住我就問佢去唔去，JW都話嚟，我哋就沿海咁樣執。」
    超蓮話剛開始時只係得10幾人：「見我哋執緊，途人問我哋有冇勞工手套，可唔可以加入我哋，幫手一齊做，好多居民好幫手，有啲知道我哋唔夠膠袋，畀咗洗衣房好巨型嘅白色膠袋畀我哋用，覺得香港人非常之團結，好感人。」超蓮補充話3批義工加埋有70幾人，再加上路途有好多人都加入，所以有成100人：「好多年青人加入我哋，香港有好多有心嘅年青人。」
    另外，JW就話：「其實我覺得最恐怖係發泡膠，好似雪山咁多，好多層，仲要係我哋諗唔到點解啲發泡膠會喺度，之後我哋諗喺海底積咗好多，啲海浪撥番上嚟，其實係我哋種嘅因，跟住我哋結咗咁多果，執咗30幾包全滿，好開心見到好多義工幫手執，杏花邨嘅居民落嚟話畀我哋知，喺邊度需要人幫手執垃圾。」
    精選娛聞，喺晒《娛果》
    http://fb.com/appledailyent
    empty
    empty
    超蓮今日冇叫員工返工，更加邀請佢哋一齊做義工。
    empty
    超蓮去咗杏花邨執垃圾。
    empty
    沿途都係泥濘。
    empty
    JW（中）主動話幫手。
    empty
    最後喺杏花邨執滿30袋。
    empty
    超蓮話沿途好多香港人幫手。