【街坊電視節目巡禮】
香港人VS電視人　觀眾最想睇竟然係…

蘋果日報 2016/04/08 00:00

香港正式進入後電視大戰時代！隨住Viu TV開台，香港人終於在失去亞視幾日後，重新獲得多一個睇電視嘅選擇！但多多一個台唔代表啲乜嘢，重點係做電視嗰班人，係咪真係知道觀眾要啲咩？
empty
霸權消失之後，香港電視業係咪可以睇到前景？
empty
同學仔話要監製返部《做功課ha ji ma》，梗係啦日日無間做。
empty
街坊Alan大膽又創新地話要監製返套《無綫你做乜L嘢》，探討啲劇點解會咁膠。
empty
四大電視界名物，今勻頂唔頂得住觀眾嘅澎湃創意？
《蘋果動新聞》直接剷入社群，走訪一眾街坊，任由觀眾發揮創意，創作佢哋想睇嘅節目，終於集百家大成推出今年度【街坊電視節目巡禮】！究竟街坊們有乜勁爆「艾啲牙」？做開電視嘅電視人又捉唔捉到觀眾條路？
empty
街坊Alan直腸直肚，我哋梗係原汁原味照出街啦。
empty
靚女街坊陳小姐對於鴨脷洲好有意見，想拍返部九龍人山長水遠去鴨脷洲嘅驚險歷奇節目。
empty
金牌監製鄧特希話構思節目時，唔好侮辱觀眾智慧。
empty
牌編劇周旭明認為，觀眾對社會現狀有好多不滿，但劇集內鬧埋一份無助於改變現狀。
empty
大師話觀眾鍾意睇啲未睇過嘅嘢，大師，可唔可以唔好咁玄呀？
empty
才子蕭若元認為，霸權已經沒落咗喇！
答案梗係唔會喺度講啦，畀你哋估到小編就唔係食神啦，老規矩，#咁重要嘅嘢梗係睇片啦！

2016年【街坊電視節目巡禮】推介電視節目，黃金時間排陣（好似係）：
晚上6:30《巴黎多姿采》～隆重推出【誰想看系列】旅遊真人騷。點啫！iPhone SE都可以攞嚟賣，點解《巴黎多姿采》唔可以？
empty
晚上7:30《置業處男》～繼《愛回家》後，以真實儲首期故事為藍本嘅長壽實況喜劇，紀錄男女主角長達25年嘅儲首期過程
empty
晚上8:30《警鬼情未了》～ 最高收視劇目，照抄《鬼同你OT》聯乘《EU超時任務》
empty
《警鬼情未了》，邊個係警？邊個係鬼？
晚上9:30《鴨脷洲真係好咩》～本土情懷系列，九龍人山長水遠去到鴨脷洲嘅驚險歷奇節目
empty
晚上10:30《香港陸沉》～本土政治民生悲情劇目
empty
將軍澳街坊話要拍返部《香港陸沉》，紀錄低大陸人點樣入侵香港，不過個結局可以畀觀眾揀嘅。
凌晨12:30《做功課哈芝麻》～為本地學童作息時間度身訂造，同學們終於做完功課，隨即可以收睇，全港首創凌晨兒童節目
empty
你又鍾意邊個節目？如果畀個電視台你搞，你又有無更爆嘅節目「艾啲牙」？留言sell吓橋吖笨。

（*以上節目為街坊創意精選，如有雷同，實屬撞橋）