現年35歲嘅韓國元祖女團S.E.S成員Shoo，於2010年與職業籃球運動員林孝誠結婚，先後為老公生咗大仔林佑及孖女羅希、羅律。雖然已經係三個小朋友嘅媽咪，但Shoo身材依然超弗。

近日完成話劇演出嘅Shoo就放假休息中，佢亦有更新Instagram畀粉絲知道其近況，只見佢留言加咗「family trip」嘅標籤，似乎係同屋企人一家五口去旅行。不過Shoo就未有上載家庭照，反而大晒自己身穿比堅尼騷豐滿上圍嘅誘惑相，唔驚老公嬲豬？