當年今日

大舞台:Eason個唱數字之謎

蘋果日報 2013/07/13 00:00


1、3、7、13、25、32、50、55、210、2000、2013……
看似一堆毫無邏輯的數字,背後卻隱藏嘔心瀝血的製作。逾20萬人於月內陸續探秘,更多人卻是摸着門釘,縱然你欣賞過精采演出,也未必了解舞台結構原來是這麼複雜。就讓筆者帶大家深入紅館,拆解這堆數字的意義——亦即是「陳奕迅演唱會2013」的舞台之謎。
撰文:馬建華
相信以下對話大家都講過。
「喂!你買到飛未?」
「我今晚去紅館睇騷喎!」
「呀,邊個演唱會睇咗未呀?」
在紅館演出是歌星夢,入紅館睇騷又何嘗不是市民的追星夢?近年舞台設計日新月異,縱然是最具賣座力的歌手,都堅持舞台製作一絲不苟,尤其當你第七次踏上紅館舞台,更希望突破之前的框框,給觀眾及自己驚喜。
陳奕迅(Eason)於紅館的25場演唱會上周六(6日)開鑼,今次作多項突破嘗試,務求讓觀眾滿足聽歌之娛,同樣有視覺享受,亦希望透過舞台及歌曲編排,啟發大家對人生的領悟。日前演唱會第5場前中午綵排時,本報率先獲安排入內探班,拆解鮮為人知的舞台製作過程。演出了4晚,問Eason感覺如何,他誠懇的說:「聽到大家講一聲『好睇』經已好滿足開心,之前都會諗大家會點睇,鍾唔鍾意,原來大家真係鍾意聽我唱歌,幾好吖,過去幾晚我都好少講嘢。」難得「吹神」忍到口,Eason自言忍得辛苦,不時有觀眾大叫撩他吹水,但Eason笑說:「撩我唔到嘅,不過我想講時都會講幾句。」
empty
32

32呎為主舞台的深度,闊度則為78呎。
食滯打針頂硬上
舞台經驗毋庸置疑,尤其看到Eason越來越享受在舞台時的笑容,盡現真性情及破紀錄188磅體重的率直,Eason自爆完成第4晚演出,回家休息太過放鬆而發生小插曲:「返到屋企好肚餓,見到有包台灣嘅蒟蒻丸咪拆出嚟食,點知倒咗十幾粒出嚟,咪唔好嘥一次過食晒然後去瞓,點知朝早起身發現個胃頂住,頭先綵排前去睇醫生打支針,因消化唔切,其實我之前冇事冇幹,一路冇戒口冇忍口,𠵱家要注意吓。」
舞台令觀眾嘩聲不絕,而給Eason感覺是「大咗小小」,平日愛跳跳紮的他笑指忍不住想四圍行,他笑說:「我記得有晚我唱緊《最佳損友》,情不自禁不停郁,跟住我眼尾見到身後大屏幕影到自己好搖咁,惟有收番慢自己動作,等大家睇得舒服啲。」Eason還未看過舞台效果,待休場時才看回錄影,他說:「每晚當個舞台有變動時,我就見到大家目光由我身上轉去舞台其他地方,咁我就知道應該係有啲嘢睇,幾好呀。」
empty
25
25場個唱,對Eason來說是挑戰。
工作人員困半空
講到其中一環是舞蹈員倒吊在半空的雲底漫步,Eason並不知舞蹈員於騷前半小時便吊上半空準備,到完騷才返回地面,他笑說:「點解我每次開騷都困住啲人喺半空,上次(06年舉行「Get a Life演唱會」)又有舞蹈員喺半空隻船坐足一晚。」當Eason得知工作人員每晚都在他頭頂看騷及小便後,他笑指可以開騷中途幫他們準備「麥麥送」。
今晚入場觀眾會欣賞到「陳奕迅Eason's Life演唱會2013」慈善版,是夜主辦會跟領賢慈善基金會合作,演唱會流程如常,但中途會加入著名鋼琴家郎朗、小提琴家文薇、古典結他演奏家楊雪霏及世界拉丁舞冠軍合作演出,首次跟郎朗合作的Eason說:「個舞台有個升降台特別為郎朗而設計,方便升佢同鋼琴出嚟,所以要將樂手座位全部移後,嗰個位亦只會用一場。」
逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange