旺角騷亂案中判刑最重、因暴動罪被判監7年的盧建民，在建制派眼中是「暴徒」，在戰友中卻是對香港有深厚感情的港青。與盧建民相識超過10年、社運界人稱「蓮姐」的雷玉蓮透露，盧除了是首個向九龍灣工廈火災消防員送水的香港人，過去5年亦是少數陪她悼念十一南丫海難死者的有心人，即使盧被判暴動罪成入獄，亦毋忘這個5年來的堅持，「今年海難第6年，佢（盧）發夢都估唔到自己去唔到；佢好唔開心，叫我要幫佢裝多幾炷香。」

記者　林俊謙

法官重判盧建民入獄7年之時，表明不能用「個人背景」作求情理由，與盧建民相識於10多年前支聯會一次平反六四遊行的雷玉蓮，接受《蘋果》訪問分享盧鮮為人知的背景。談到盧被重判，雷不禁激動落淚：「佢（盧）係一個好有骨氣的人，佢成日都話：就算做咗善事，都唔好話畀人知，唔好去攞光環。」

雷玉蓮指，盧建民有三件事令她印像深刻，包括數年前在深水埗遇見收入不多的盧，自掏腰包買了多個飯盒，「我問佢點解買咁多飯盒？佢話因為有好多乞兒，我買畀佢哋食。」第二件令雷印象深刻的是前年導致消防員殉職的九龍灣工廈火警發生時，盧買了6、7支水送給消防員，「佢同我講呢啲係港人應該做，因為佢哋（消防員）係為我哋去救火，佢係第一個買水畀消防員飲嘅人，其後傳媒報導咗，跟住其他巿民就跟住去做」。

然而最令雷玉蓮感觸的是盧建民過去5年都陪她到前往南丫島的中環碼頭，悼念2012年10月1日南丫海難死難者，「我同佢拜死難者時，第一年只有兩、三個人，第二年10幾個，第三、四年再多啲，去年第五年有30幾個，今年海難第6年，佢發夢都估唔到自己去唔到，佢好唔開心，跟住我自己都要忍眼淚，佢叫我要幫佢裝多幾炷香」。

雷表示，盧因暴動罪到高等法院進行審訊其間，她曾前往探望，「佢（盧）同我講，你記得10月1號去拜死難者，今年佢同唔到我去嘞……」，說到此時不禁哽咽的雷不禁問：「一個人如果係頑劣，佢一隻腳踏咗入法庭，點會仲掛住要拜死難者? 」

雷玉蓮為確保自己能在盧一旦被判罪成入獄時，能坐在對正犯人欄的位置目送對方，就算判刑前一晚身體不適，仍於開庭前的凌晨時份在高院外通宵排隊輪候僅廿個名額的公眾人士席位。最終取得一號入場券，雷玉蓮庭上驚聞盧被重判7年後即衝前與眼帶淚光的盧握了一下手，「因為喺我心目中，佢係好好嘅，但我知道今次判得咁重，要7年後先可以再捉佢嘅手。」說到此時，示威一向「硬淨」的雷玉蓮不禁淚如雨下，「而家有啲人話佢（盧）頑劣、抵佢死、衰格，我話返畀佢哋聽，十濁都有一清，十清都有一濁，我識嘅光明仔，唔係佢哋諗嘅咁！」

至於與盧建民相識於南丫海難悼念活動的「維修香港」成員黎文浩表示，盧是個十分關心香港和善良的人，過去悼念活動都會親力親為幫手準備。對於戰友被重判7年，黎文浩不禁落淚說：「梁天琦佢多人識吖嘛，所以會好多人講梁天琦判咗6年，但無人去講盧建民判咗7年囉……因為佢無人識吖嘛……」

黎文浩表示，希望更多港人能關心被政治檢控的人士，包括支持為他們提供支援的「星火同盟」，並寫信鼓勵被捕人士，「被捕者入到監倉係好孤單，如果有咗呢啲信件，起碼就算唔得閒探監，寫信畀佢都係好大幫助，唔係講得笑。」黎相信被重判的年輕人陸續有來，港人不能不聞不問，「否則下一代將會跌入政治檢控嘅黑洞入面」。