成軍五年嘅女子組合Super Girls，近日就有好多負面嘅新聞，一時就話Heidi(李靜儀)被隊友Yanny(陳穎欣)撬走有米男友Gareth Chan（陳考威）( 新聞連結： http://bit.ly/2tWM5hI )，爭完仔後，緊接而來嘅就話係話佢哋會解散啦……對於呢啲報道，佢哋嘅經理人公司噚日就特登發咗個聲明，話佢哋五個女仔一條心喎，成軍5年已經建立咗深厚嘅感情，兼且有共同目標，仲會同過往一樣低調處理感情事喎！

經理人公司出晒聲明，講到五個女仔一條心，會共同努力，至於被人搶男友嘅女主⻆Heidi，今日就趁雨後陽光，出海散散心，上得船就梗係要同陽光玩下遊戲，着番件靚靚泳衣探吓太陽伯伯啦，但Heidi就只做「影后」，大騷白滑靚嘅背脊，佢仲將相貼咗喺ig同大家分享，佢仲留言話：「一有太陽就出海」，睇嚟佢心情都唔錯噃！

而網民見到Heidi咁開心出海，見到影後嘅Heidi，當然首先係求正面圖啦，亦有人讚佢靚到飛起，仲話佢俾咗一個好大嘅星期五福利俾大家。