九十年代好紅嘅玉女歌星黎瑞恩嫁入豪門，做咗人大常委曾憲梓新抱，收山後冇公開唱歌，但不時同家人唱卡拉OK，所以歌藝冇退步，少奶奶養尊處優閒時冇乜細藝，近年迷上打高球。
理大日前喺東莞觀瀾湖高爾夫球會舉行「理大．惠家高爾夫球邀請賽2007」，小恩子奪得「一桿入洞」獎。當日在場人士同八方講，其實當日冇人holeinone，小恩子只係一桿打得最近洞口，由於今次係慈善賽，小恩子老爺曾人大又捐款畀理大，頒獎畀佢大家高興吓冇所謂，不過呢位人士強調小恩子球技不俗，好過在場其他男士。呢次活動理大籌到逾200萬元經費，成績唔錯。